قلب وعقل بقلم الشاعر أحمد إسماعيل

 قلب وعقل

معاكى عقل حزين ووحيد

ومعاكى قلب نبضه شريد

اختارى واحد م الاتنين

يمكن معاكى هيبقى سعيد

القلب بجمالك مشغول

والعقل من هجرك مذلول

وبشوف دموعه فى يوم العيد

ياقلبى اهدى كفايه عذاب

ياعقل ياما زهقنا  عتاب

ومسيره  يطلع فجر جديد

قلبى وعقلى انا هنساهم

بدون حبيب ايه جدواهم

والحزن جوه ف قلبى يزيد

انا مستحيل اعشق تانى

ع العشق  مين اللى رمانى

العمر ضاع  ويا زمانى

وتعبت والله من  التنهيد

وهشوف لى عقل وقلب جديد

شعر أحمد اسماعيل / شاعر العرب