يقول المثل بقلم الشاعر نذيردهان
يقول،،، المثل الحلبي
زيوان حلب ولاحنطه جلب
/////////////////////////////////////////
من أوروبا اتجوز
أخد عاروس فرنجيه
المسكين عقلو أتهزوز
ورح بيطير ياخطيه
نسستو الأبجد وهوز
وصار من أهلو يتعوذ
لما نصحتو أتنرفز
وعملها تهمه وقضيه
/////////////////////////////////////////
لما عاتبتو جاوبني
هدي وافهم شو بقلك
بنت بلادي ماتعجبني
تغار وفيني بتتملك
من أفكارا بتعطبني
ما بتلبق الا لمتلك
بنت الغرب شيبني
شكلا ودبت حنيه
/////////////////////////////////////////
قلتلو أسمع كلامي
وحطو حرز بإدنك
السوريه تقبر عضامي
لاتقاطعني عن أذنك
لما بتمرق قدامي
شلون بدي اوصفلك
رمشا ساحر وحرامي
سرقني بظرف وحنيه
/////////////////////////////////////////
قللي براسك مافي عقل
وكلامي معك خساره
عربي وجدك ابو جهل
معتم ما فيك منارة
روح سلملي على الأهل
وقللا لبنت الجاره
وعدتا أخطبها خللي تفل
كلمه قلتها....ومنسيه
//////////////////////////////////////////
شعر ؛ نذيردهان
تعليقات
إرسال تعليق