اغنية بقلم الشاعر أدهم عبده مجلى
اغنية ناسيين نفسكوا ليه
أدهم عبده مجلى
أدهم العوضي
★★★★★
جايين على إيه كده تتكبروا
ونسيتوا نفسكوا وانتوا بتصغروا
كبرت الناس أنا على أيدى
والناس بتضرني وبتأذي
ما أنا أصل تواضعى طمعكم
وأنا شايف نفسي أحسن منكم
ليه تعملوا فيا اللى بدالكم
من غير ما تراعوا سنين عزي
★*★*★*★
عايشين بندور على روحنا
مش فارقه الامنا ولا جراحنا
تاعبانا الدنيا وظالمانا
ولا عمرنا فيها يوم ارتحنا
و الناس طبعها ليه اتغير
مبقاش فيه كبير كله صغير
واللي قليل ليه تعليه
ما هي دنيا عجيبه وبتحير
★*★*★*★
كله ناسي نفسه ليه
يعني مش عارف حقيقته
لو سألته كنت ايه
كدب هتلاقي في طريقته
هو فاكر كدبه ده خايل علينا
ولا حاسس مظهره بيخدع عنينا
ده احنا شايفينكوا بقلوبنا
والمظاهر عمرها ما كانتش لينا
★*★*★*★
مشتينا يا دنيا فيكي
بالبطئ واختارتي اهلك
واحنا لينا دين عليكي
سدديه سايبك براحتك
هاتي حقي بلاش طمع
داوي فيا اللي اتوجع
شوفت منك كل حاجه
كنت فيكي انا الجدع
★★★★★
أدهم عبده مجلى
أدهم العوضي
#الجميع
تعليقات
إرسال تعليق