Gulî sorê بقلم الشاعر بافي هوزان

 

Gulî Sorê

Gulî sorê li benda te rawestan

Buhar va çû lime va bû zivistan

Li ber deryê evîna te mam bê çar

Hewar û sed hewar mame perîşan

Gulê sorê çi rim bû te li dil da

Were baş binêre li halê seyda

Soz û beyman teda min çûye  berba

Birîn kûre ne  derman nayê beyda

Gulî sorê te çi anî serê min

Bi hesre tim dîsa hate derê min

Ji êşan re ez memim ew zîna min

Xerîb ya te agir berda canê min

Gulî sorê minî çawa hejte kir

Çendî cara te bela xwe nedvekir

Wekî tava buharê te belav kir

Dema çûyî te xwîna min zuha kir

H.Bavê Hozan