جيتي في وقتك بقلم الشاعر أدهم عبده مجلى
اغنية جيتي في وقتك
أدهم عبده مجلى
أدهم العوضي
★★★★★
انا مش نادم ع اللي سابتني
بعد ما شوفتك كده وقابلتك
مش زعلان إنها هجرتني
لولا الجرح ما كنت عرفتك
جيتي في وقتك علشان بيكي هاطيب جرحي
اصلي عشقتك وأنتي معايا هتعيشي فرحي
واللي انا شوفته زمان مش حب
زاد في آلامي و وجع القلب
كان تأثيره معايا بالسلب
بس نسيته لما انا شفتك
انا مش نادم ع اللي سابتني
بعد ما شوفتك كده وقابلتك
★*★*★*★
كنت باحبها حب حقيقي كنت فاكرها كل حياتي
جات وباعتني في نص طريقي ولا يوم حست ليه بآهاتي
بس انا حظي إني قابلتك
اجمل صدفه يوم ماسألتك
عايزه تعيشي الجاي ازاي
يومها ساعتها عشقك قلبي
لما في عينك شفت انا حبي
كان في كلامك نغمة ناي
★*★*★*★
سيبك بقا م الماضي اهو عدى
خليني اعيش الجاي معاكي
عمري بغيرك ابدا ما ارضى
بانسى انا اسمي وانا وياكي
يللا نعيش ايامنا و ننسى
اي جراح ما فرحنا اهو لسه
جاي وما بينا هيبقا زياده
واحنا معاه هنعيش ونهادي
للمحروم ما هو ده العادي
والزعلان منكوا هيتراضى
★★★★★
أدهم عبده مجلى
أدهم العوضي
#الجميع
تعليقات
إرسال تعليق