Deşta ber fireh بقلم الشاعر

 

Deşta ber fireh

Ji      te   bêhna   beybûnê

Ji     ber    vedije   pertew

Ber     şînê   sîng   zozanî

Çiqasî    ser    xweş   xew

Min     li   xweristê   nedî

Wek   te  rû  geş û bedew

Ji     gurcî    û      zeryanî

Xwestiya min ma tu hew

Her  ba  li     porî     dide

Wan     keziyan    vadçire

Bêna     gulav      û   giyê

Li   ber  bayî   xweş  dire

Li    vê   deşta  ber   fireh

Ḧeta      çav    te     dibire

Pinpinîka     per      belek

Li       dora      te     difire

Dil    li   pey  te    dibeze

Giyanê      min    dixwazî

Min    kir    benyê   evînê

Xistim   deḧf   û  gewlazî

Evîna        te        dijware

Ez    pê    nikarim     nazî

Derdek    bi   êş    û  jane

Hestê    min   kir   lawazî

Ha    şte    gulek  lê  gulê

Ka   bide     min  maçekê

Ber   buhiştê   ber    belê

Ber      kalanê      xaçekê

Li    ber  tîna   memikan

Li   ber   talda  wê   kelê

Ji  wê   tayê     derkevim

Ma   dermanê  wê   kulê

Lavij    dikim   ez  ji  Ho

Biba  wek    min   bigota

Ji       pêsîrên        buharî

Şîr   bi      lêvan    bidota

Hing    çîçekan   dimijin

Min   jî   ew  lêv  bimêta

Bera    Ho   li     dûjgehê

Min      bi  pêta     bisota

2003

Cindiyê Metînî