رفيقتي بقلم الشاعر محمد حسن فرغلي محمد
رفيقتي
.....
ف مرة وماشي بافتش عليها
شريكتي اللي تبقي حياتي ف ايديها
لقيت ناس كتيرة ماتحصي عددهم
زمام المدينة كانه مرادهم
وفكري اللي شارد وفين هتلاقيها
وفجأة شرارة شعاع ف الزحام
ف قلبي ف وريدي صابتني تمام
وخطفت قليبي بنظرة عينيها
ولما ألتقتني ف عينيها باتوه
وصرخة ف صدري تنادي ياهوه
نادتني فقلبي سبقني اليها
وقالت ياشاعر دا حبك كلام
بتوصف تغازل حروفك هيام
قلوب الحياري كفاية اللي فيها
لو انت بتكتب مشاعر حقيقي
فحبك ياشاعر نصيبي وطريقي
حياتي اللي باقية وجودك كافيها
فعندك ابويا وقوله كلامك
عينيا فصونها وامسك زمامك
واوعي تخونها وتكدب عليها
جاوبت اللي ساكنه ف قلبي وحياتي
هتفضل رفيقتي لوقت مماتي
وطول عمري هافضل ماسك ايديها
تعليقات
إرسال تعليق