مع نفسي بقلم الشاعر عوني هشام
مع نفسي
-------------- ... عوني هشام
وبتعارك مع نفسي
وكان نفسي نتصاحب
تلخبط يومى مع امسي
وتصنع بينا ١٠٠ حاجب
اهدى اللعب وياها
عشان اقدر اخد نفسى
تعاتبنى وبتلومنى
تصبحنى وبتمسي
على ايه يعنى ما اعرفشي
دا حتى بسري ما ببحوشي
ساعات تهرب تتوه منى
انادى تروح ماتسمعشي
وانا من عشقى فى هواها
ادوب فيها وماحرمشي
ساعات ترجع كتير وتروق
تعاملنى برقه وزوق
احس انى بدات افوق
تقوم تصفعنى على وشي
اقول لها بس نتحاور
تقول لى عاملى فيها شاعر
وطول الليل ماسك قلمك
ومهملنى ومش شاعر
انا ملكك انا كلك
تعالى فى ضلي ونذاكر
انا شمسك وانا ظلك
فوق واسمعنى يا شاطر
حروف الشعر ما تشبع
تزوق فيها ما بتلمع
ووقت الضيم ما تشفع
وكله لفكرتك ناكر
فاليه تنكر وجودي معاك
تبعينى برضه مش بايعاك
لاغينى بنبضى اكون سامعاك
واكون لك سطر فى دفاتر
ياروحى بس اخد نفسي
حروفى بشوف فيها نفسي
بترسم صورتى مع اسمى
وفى وجودك اكون فاكر
فاكر بكرا وامبارح
مين اسي ومين جارح
ولو حتى اكون سارح
شاكر فضلك ومش ناكر
عشان الشعر دا فى دمي
تعالى قربي يمى
وساعدينى على المى
اقول يا نفسي اكون شاكر
واكتب شعر ؛
........... عوني هشام
تعليقات
إرسال تعليق