حبيبتي حلب ياشهبا بقلم الشاعر نذيردهان
(( حبيبتي حلب ياشهبا))
باعدت بيني وبينك الظروف
ولكن سيبقى
حبك في شراييني يطوف
/////////////////////////////////////////
ابرم يادولاب الدهر
ابرم بالمقلوب
رجعلي شبابي اللي كان
وصار مني مسلوب
كنت لو امشي اهز الارض
والضحكه بتمي
ملكي الدنيا طول وعرض
وما بعرف همي
القهر انفرض عليي فرض
وودعتا لامي
الشهبا القلبا اطيب قلب
مابين القلوب
//////////////////////////////////////////
ابرم يادولاب وعللي
لا توطي فيني
بحياة ربك حن شويه
ذل مكفيني
حرام عليك اوعى خطيه
للاه ترميني
هللي كان امبارح خلي
الورود يهديني
راح وتركني متل الشمعه
بغيابو عم دوب
//////////////////////////////////////////
بتقللي قدرك يابني آدم
والزم حدك
دخلك ارحم دمع عينيه
ووقف عندك
بحياة الله هدي عليي
ولا تزيد بعندك
حرام عليك لا خطيه
انا ماني قدك
اللي شربتو بيكفيني
من كاسات ايوب
//////////////////////////////////////////
كرامه لالله يادولاب هدي
واسماع كلامي
بدي اقلك باللي عندي
راحت ايامي
حفيدي بقولها ع سمعي ياجدي
عقلك هالخامي
ايمتى بدو يصير معدل
ويادمعي المسكوب
//////////////////////////////////////////
تنزل فوق خدودي سطورك
وتصيرتجررح
تكتبلي نصيحه اسمع مني
عن بالك سططح
هيك الدنيا لناس تضيمن
ولناس تفررح
مين بيقدر يغير قدرو
العجبينو مكتوب
//////////////////////////////////////////
بذكر جدي مره قللي
اسمعني يانذير
الدنيا طعما علقم مره
لو ختيار تصير
ضحكت بوقتا وبسري يامجير
قلتا...ياجدي شوهالكلمه
اشقدك طيوب
//////////////////////////////////////////
واليوم الشفتو من هالدنيا
بختم بالعشره
وبمضي وببصم اه ياغانيه
ياخاينه العشره
برمتي فيني ت وصلتيني
للاه والحسره
بعد ماشمسي غابت عني
ومالت لغروب
//////////////////////////////////////////
وما لي إلا فوق سجادتي
اصلي وادعي
واقول ياربي فين سعادتي
واسأل عن خلي
تصب عيوني دموعا هاتي
اسقيني ذلي
ياما شربت كاسات العاصي
وياما لذ المشروب
//////////////////////////////////////////
تبت ياربي تايب وجايه
طالب غفرانك
انا الكنت عن هديك غايب
وهاجر قرانك
ع كل اعمالي مكتوب عايب
طمعي باحسانك
تحن عليي وتمحي عني
البكتابي مكتوب
//////////////////////////////////////////
شعر : d.. نذيردهان
تعليقات
إرسال تعليق