كله عايش بقلم الشاعر علي عبد ربه
كله عايش فى الكنافه . . . وفاكر قلبه جوافه عايش الحكايه. ومصاحب المرايه. وسايق فى السخافه. كله عايش فى الكنافه بيبكى لما يحزن ويغنى لما يحلم ودموعه عايزه نشافه. كله عايش فى الكنافه وفاكر قلبه جوافه. بيحب كل دقيقه فاكر أنه حقيقه ومترجت الغلاسه كله عايش الدور عايز لقلبه دكتور بيمثل دور الضحيه وبيلمح بين السطور مش همه أى حاجه. وعواطفه دايما محتاجه. الطبطبه والملاغيه. وبوق حنيه وسذاجه كله بيكتب أشعار. ليل نهار منهار. مشاعره جامده وقويه. بتطير بين الأشجار فى الحب دايما صريح. وكلامه حلو ومريح. بيشفى كل الجروح ويطير مع الريح. بوستات من كل نوع. مليانه سهد ودموع. تحس الحب فايض وقرب على الطلوع بيدور على الترندات ومكبر. الدمغات. مش فارق معاه حاجه. ممكن يطلب موغات. والحلوه معديه. شايفه نفسها شويه. بتدلع مع الأغنيه. وتدور على المشاهدات. . احساسها خلاص مات وحياءها عدا وفات. كلامها حته حته. مليان مكر وايحاءات. أمته يا ناس هنفوق الدنيا ما هياش سوق نبيع فيه أخلاقنا. عشان نكبر وندوق. الصوره كده مش كامله كامله . لازم نفهم اسلامنا ونعرف أنه تمامنا هتعود كل الحقوق كله عايش
تعليقات
إرسال تعليق