الاصيل جواد بقلم الشاعر نذيردهان
((الأصيل جواد ))
///////////////////////////////////////
يا خيي أفركها وروح
وجودك متل الكينا
مرارو بطالع الروح
مانودعك إلا تجينا
تصير تبكي وتشكي وتنوح
كم ليره زكاه عطينا
ياحبيبي يابو وجه صبوح
من طلتك روح واعفينا
///////////////////////////////////////
أعطيك تعيد الكره
دخيلك والله جوعان
بقلبي لوعه وحسره
ع أولادي بتشعل نيران
لو اقلك ارجع بكره
بتصيح تلم الجيران
تعلنها عليي ثوره
تفضحنا ويحكوا علينا
///////////////////////////////////////
ياخيي أمك وأبوك
يوم ماتوا وصوني فيك
ع دلال وبهجه ربوك
وقالولي شو تطلب أعطيك
شو لزقه فيني لزقوك
أفهمي الله يخليك
زباله عليي كبوك
وريحتك ابتعمينا
///////////////////////////////////////
هيك قللي صاحبي ع أخوه
أترجاني،،،الاقيلو حل
قلتلو أمو وابوه
بعنقو وصيتن بتضل
رق قلبو دموعو فضحوه
عن أصلوالطيب دل
لك يرحم يللي بدعوه
ع شهامه نحنا اربينا
///////////////////////////////////////
شعر ؛ نذيردهان
تعليقات
إرسال تعليق