بتوحشني بقلم الشاعر السيد حسن
بتوحشيني
*******
لو قلت بتوحشيني
يبقى بكدب عليكي
صورتك دايما في عيني
وحواليا بلاقيكي
في كل حاجه جميله
يا اجمل جميله
مالكاني ولا حيله
وحياتي في ايديكي
بايديكي تحييني
وبرضو تسعديني
وللجنة تناديني
وبرضو تبعديني
بهواكي وعلى كيفك
على عيني على عيني
ما هو كله بايديكي
دوبيني اكتر ماانتي مدوياني
وهو فيه اكتر ماانتي مجنناني
يا غربة مكاني يا توهتي في زماني
يا وجعي واحزاني كلي دايب فيكي
يا صمت اللقا ماتنطق بقى
وابقى قول لها بحبها
خد لها سلام هيمان بالغرام
من قلبي لقلبها
وخداني من روحي
ونستيني إسمي
بشوفك ساكنه روحي
وملامحي ورسمي
وبتجري في دمي
ونبضي وشراييني
يبقى إزاي قوليلي
بس هتوحشيني
الشاعر السيد حسن....
شاعر الزمن الجميل 🌹
تعليقات
إرسال تعليق