شو صابك بقلم الشاعر نذيردهان
شو صابك باترين العمر
شادد عزماتك طاير
هدي شويه بدي أمر
ع الحلوه أم الضفاير
حبيبتي الشهباء أودعها
أقللا بخاطرك ياحياتي
بقلبي بعادي عنك جمر
لكن قدري علي قادر
//////////////////////////////////////////
دخلك هدي بس شوي
وبعداأمشي شلون ماتريد
بدي أودع أهل الحي
الكانوا لقلبي فرح وعيد
بوجوهن بسمه بمليون ضي
حبهن يجري بالوريد
أمانه ياعيد لوسألواعني
هاجر؟؟!،،،قلن الجوع كافر
//////////////////////////////////////////
م الغربه لو خبري إجاك
ياجاري برحمه أذكرني
أرفع إيديك لمولاك
أدعي بجنه يحشرني
بعترف ماكنت ملاك
بساعات أبليس يجبرني
قصدوا يرميني لهلاك
ربي وحدو عليه قادر
//////////////////////////////////////////
آه يا دنيا بتغري
ويلو اليسمع كلامك
مومس لما تتعري
الكل بيركع قدامك
يانفوس ضعيفه بتنجري
وتقوليلا طبيت بغرامك
ألعاقل يقلك متبري
منك ولا نك بالخاطر
//////////////////////////////////////////
شعر ؛ نذيردهان
تعليقات
إرسال تعليق