عبده الحزين بقلم الشاعر عبد المنعم حمدي عبد العليم
عبده الحزين
شايل طاجن
سته وأحواله يرثى
لها أخينا المكتئب
على قورته
مية وحداشر ممنوع
الضحك لأي سبب
على طول
زعلان ومبلم ووشه
متجمد زي الخشب
ماضي مع
الأحزان أتفاقية الهم
حق حصري ومكتسب
مش عاجبة
الدنيا وحالها ناقم
دايما في حالة غضب
دايما مهموم
وطهقان ومقريف
وأحواله ليها العجب
سحنته دايما
مقلوبة وعاقدها
ومكشر من غير سبب
ومنكد على
كل العيلة وصحابه
بيعبي الهم في علب
لامريض
ولا مديون ولا مفلس
بس مش عاجبه العجب
في دماغه
أن الفرح قباحة وعيب
وإن الضحك قلة أدب
شاعر العامية/ عبد المنعم حمدى رضوان
تعليقات
إرسال تعليق