الاسم رخية بقلم الشاعر السيد عفيفي
.....الاسم رخيه.....
على طريق الزراعيه
قابلتنى البنت
رخيه
سالتها راحه فين
قالت
ريحه لابويه عند
الساقيه اللي فى
الجهه القبليه
رائحه اودى لابويه
الفطار قبل متطلع
شمس الصبح
النديه
قلت
فطار ايه اللي فى الفه ديه
قالت
لقمه وخياره وأوطه
وحتت جبنه حدقه
وبيزنهم قشرتين يوسفى مخلى شكلها
كهرمانيه
وفحلين بصل بيسوقوا دمع العين
مع الميه
وأقعد أسوق السقيه
لابويه لما ينزل يدير
للقنيتين اللي فيهم
خير الزرعيه
قلت
أنتى البركه
يا رخيه
ان شاء الله أبوكى
يلم خير الزرعيه
وينزل يجيب كسوة
السنة ديه
ويكمل جهازك وأفرح
بيكى يارخيه
قالت
لسه بدرى يا عنيه
لسه الصندوق
والكنبتين والمكحله
علشان أحمى رموش
عنيه لما ابص لك
تملى حياتى وأكون
لك هديه
قلت
تسلمى بنت الفلاحه
......المصريه......
يلي اسمك ورسمك
.......رخيه.......
السيد عفيفي
٣١,٨,٢٠٢٣
تعليقات
إرسال تعليق