يامصطفى باهلال بقلم الشاعر ياسر فؤاد الجدي
يامصطفى ياهلال ...
،********************
ياهلال والله تعبنالك
طول ليل ونهار ريح بالك
دمك محروق مع أعصابك
على ناس مش حاسه بأوجاعك
ولا شايفه لا ليكم ولا لينا
أحنا الحرافيش أحنا أصحابك
وبطونا بتعلن عن جوعها
نستهبل ونقول أيه صابك
ووجعنا يحاول يتفلسف
نصرخ بالأه من أصحابك؟؟
فنلاقي عذاب مصحوب بخراب
هل بأعتابنا وأعتابك
وجنود أبليس أصل التدليس
بتروج أعلان لزكاتك
وبتفتي بأكل حمير وكلاب
قالوا فيها بروتين مع حشراتك ؟
ولا دول نافعين خالص لينا
ولا دول حاسين وبأعطابك ؟
بتأذن ياصديقي في مالطا
طاب مين هيلبي لأذناتك
وبتنفخ قربة ومقطوعة
نفخك ع الفاضي وأبياتك
يلا أطلع فاصل زييهم
ده انا نفسي ف فاصل وحياتك
وأحج ولو حتى لأمارات
واطوف مع هايدي واقول جاتك
أوعى تضيعها ومن أيدك
راح ترجع فقري بهدماتك
مبادئنا وقيمنا الغالية
تعبتنا يادرش وتعباتك ..
بقلم .. ياسر فؤاد الجدي
الخميس .. ٢٧/٤/٢٠٢٣
مهداه الى صديقي الشاعر مصطفى هلال.
تعليقات
إرسال تعليق