من غربتي اكتب بقلم الشاعر نذير دهان
(((من غربتي أكتب)))
//////////////////////////////////////////
غ،،، غاليه ع قلبي ياشهبا
ياضي العين
ر،،، ربي العالي يحميكي
من شر العين
ب،،، بدي أبكي عذريني
ياروح الروح
ه،،، هبت ناري وحرقتلي
دمعي بالعين
//////////////////////////////////////////
عطشان وردت العين
أشرب شي جرعة مي
أسمر كحيل العين
من حسنو يخجل ضي
سألتو أنت منين
مشي مارد علي
باللا تقولولو يازين
قلبي حرام وخطي
//////////////////////////////////////////
سامع زغروده من بعيد
يا ترى شو عم بيصير
معقوله يكون جايه العيد
وجايب معو التباشير
الشهباء الحره من جديد
بتغني وتقول وتعيد
أتوحدنا والإيد بالإيد
وودعنا الهم والتعتير
/////////////////////////
ونغني سافر الخوف
وما عادلو رجعه إلنا
والفرحة سكنت بالجوف
تعانقنا ونلنا املنا
ولاأقلك وتقللي أوف
م العدا علينا أتعلمنا
ورح بحلف وأنت أحلوف
نتعامل بود وضمير
//////////////////////////////////////////
بدق القلب أناجيكم
وأسأل فين أراضيكم
تجافوني ما جافيكم
حياتي ودنيتي فيكم
بلاني الله بهواكم
بدعي لحبي يهديكم
//////////////////////////////////////////
فقري لما هجم
جابلي معو سبعين
سبع إسمو الجوع
والتاني إسمو الدين
وكلب إسمو الهم
وبوم إسمو الويل
زرعوا بقلبي ألم
جرروا دموع العين
//////////////////////////////////////////
شعر ؛ نذيردهان
تعليقات
إرسال تعليق