قراري بقلم الشاعر محمود فوده
قراري
إنتي خلاص مش فارقه معاكي
أبعــــد ولا امشـــي على هواكي
قلبي خـــلاص قـــرر ينسـاكــي
وينسى عذاب لياليه
كل امــا اقـــــرب منـــــك الاقي
تبعــــدي ولا همــــك أشـــواقي
لو قلبــــك ناوي علـــــى فراقـي
ليه اتعلقت انا بيه
قاسيــــه وقلبــــــك من صـوان
مات ولا عاد فيــه حب زمــــان
داللــــي يفكـــــر فيــــه يتـــهان
ويبكـي بدمـع عنيـه
إزاى قــولت عليكـــي حبيبتــي
إزاى وانتـــى ما تعرفــي قيمتي
عمـــر ما كنتـي في يوم سلمتي
ولا تعرفي معانيه
كنت بحـــــبك ولا علــــــى بالك
وإرتحــــلك قلبـــــي وصفـــالك
يامــــا حــــذرته من أمثــــــالك
في الآخر بعتيه
هقفل واطــــــوي كتاب لياليكي
واحيي ف قلبي المغشوش فيكي
وان كـــــان مر هوايا عليكـــــي
فياريت بقى تنسيه
لو كـــان قلبـــك حب وعـــــاش
كان حبنــا ما يضيعـــش ببـلاش
لكن روحـــــي دي ما تســــواش
على إيه هبقى عليه
من ديوان دموع الحب
بقلم الشاعر محمود فوده
تعليقات
إرسال تعليق