ميار في النجع بقلم الشاعر ياسر فؤاد الجدي
........ ميار في النجع .........
لو ميره نزلت بلدنا
هتصير هناك أزمات
وحروب كتير هتقوم
وشباب يصير أموات
وهتبقي هي الدولار
واليورو والدينارات
وغيرها مهما عمل
وحشين ومش جميلات
رجالة النجع يومها
يومها هيطلقوا الستات
هيقولوا طلعوا غفر
وكمان ليهم شنبات
وساعتها نسوان بلدنا
هيبانوا علي الحقيقات
جنب الغزاله دهيا
تحلف كما غرولات
وبنات بلدنا هتندب
حظهم بالذات
مين راح يهوب عليهم
أو يعترف دي بنات
والنجع في يوم وليله
يتصدر النشرات
عدد الوفيات ١٠٠٠
ده كمان غير الأصابات
قالوا السبب جنيه
دي حكايه م الحكايات
وقالوا كائن فضا
من كوكب الحلوات
وناس تقول حوريه
هبطت من الجنات
حكايات كتير وروايات
من زيد ومن عنايات
خليكي جوه البيت
ياملكة الملكات
ماتفكريش فى الخروج
أحسن تقوم ثورات..
بقلم .. ياسر فؤاد الجدي
٢٠١٧
تعليقات
إرسال تعليق