لابد ماتفرج بقلم الشاعر نذير دهان
(((لابد ماتفرج)))
*************************
انا بدي أنام،،،، يا أهل الله
ماجاييني نوم
بغمض عيني،،، بتنكش
فيني الهموم
بتقللي الله واسم الله
بدك ترتاح
أتحنكل قوم
بمجرور الآهات اسباح
.بدها حركه ،،،استعجل
لك يامنظوم
************************
أبنك مرضان،،، وضروري
يروح للدكتور
و التاني عريان،،، لازملو
تياب على الفور
ومرتك ولاويل،،، عم تصرخ
يارب استور
الكلمه بتطلع من تما
بتشر سموم
************************
كرامه لألله فهموني
شو هالعيشه
همومي طون،،، وهم غيري
بوزن الريشه
من هالدنيا،،، عم افكر
اروح طفيشه
فقري ياناس،،، تصنيفو
بالخمس نجوم
************************
الغلا ابليس،،، لك العن
وأدق رقبه
عم اعس عسيس
وكأني بالنار حطبه
مقهور وتعيس
وعيشتي كلا غلبه
والفقر ع طول،،، عم يبرم
حوالي ويحوم
************************
طيب وبعدين،،، قولولي
شوهوه الحل
حظي ياناس،،، قطران
وزفت على خل
ماعليي لوم،،، ياعالم
لو عقلي أختل
وبقولواا صبور،،، وياخوفي
هالصبر يدوم
*************************
امبارح سمعت غنيه،،، تغنيها
وحده غنيه
كلاما أه شو رقه
على حنيه
تشكي وتبكي،،، وصفولا
الصبر ياخطيه
لو شربتي الصبر
شو بنشرب ياام كلثوم
*************************
الله كريم وتتبدل
عنا الاحوال
وحظي اللئيم،،، يتحنن
ويقول موال
عيني ياليل بحياتنا
ما بقى أهوالأهوال
ابشروا ياناس،،، من عنا
هاجر البوم
*************************
شعر ؛ نذيردهان
تعليقات
إرسال تعليق