دستة عيال بقلم الشاعر خالد كرومل

 ،،،،، دستة عيال،،،،،،، 

عامي

بقلم /الشاعر خالد كرومل 

دسته عيال و يقول كمان

دسته كفايه يا فنان

طيب قولي أزاي تصرف

هو مصروفك جاي أحسان

شغال ليل نهار تعبان

وياريت شغلك يكفي كمان

عايز دستة أولاد جنبك

و فوق راسك واقف ديان

هو الأرض ناقصه سكان

حتى الصحراء بنوها سكان

أصحى وفوق كفايه عيال

وأنت نايم عامل نعسان

شوف جارك معاه وهدان

جار عاقل عايش بأمان

صحه تمام وأبنه معاه

طول اليوم ألولد فرحان

أخوك الصغير معاه حنان

كل عيد يجيب فستان

تاكل وتشرب شبعانه فرح

ويوم فرحها ركبت حصان

معنى الكلام أهو بان

كلام مرتاح وكلام تعبان

قالوها مثل العدد في الليمون

واحد شبعان ولابيت جعان