ملك وكتابة بقلم الشاعر حسن حلمي
أمسيات الحسن . 17/ 2/ 2022
( ملك و كتابه )
بقلم الشاعر : حسن حلمى
وبيسألوك يا قلم
تحكى الحكاوى لمين
والدنيا فيها العجب
بس الحروف بأنين
فيها اللى راجل جدع
واللى قليل و قليل
أكتب و قول يا قلم
واللى بيفهم مين
لساك تخاف من الوجع
يسكن ضلعهم ليل
ما ياما زاد الوجع
ولا حد يسأل فيك
كل الحكايه الجدع
أبن حلال و أصيل
ميل عليه الخسيس
وفى ليله حن عليه
قاله يا صاحب بلاش
تشوف عيوبنا الناس
ضحك الخسيس
للجدع
قاله يا سيد الناس
أنت جميلك وصل
ونشيله فوق الرأس
ومد أيده الجدع
شال الهموم بالكيل
حد الخسيس ما
وصل
وعمله قال قرشين
وقاله يا دى الجدع
سكة طريقك فين
ولا همه يوم باليالى
سهر الجدع يواسيه
ضحك الجدع وأبتسم
وقاله دايمه لمين
ما ياما مسكت أيدينا
تقلك فلوس و فلوس
بس بطيب النفوس
يكفينا حب الناس
أما اللى أصله خسيس
وقته يفوت وخلاص
أكتب وقول يا قلم
بس اللى يفهم مين
من غير وجع ولا ألم
أصله كبيره يومين
بقلم الشاعر : حسن حلمى
تعليقات
إرسال تعليق