ياصافي بقلم الشاعر محمود عجور
ولك وينك يا صافي
من قلك عوافي
من بكرا لا تخافي
بكرا شمس ودافي
ان شالله السنة الجاية
بألوانه الفرح معها جاية
وأنوار الخير عالدني جاية
والحزن يبقى بعيد وغافي
بكرا الأيام الجاية حلوة
عنا تحكي حكايات وتروي
والهوى بنوره فيها يضوي
قلب أبيض وهواه صافي
بكرا يدق الهوى عبابنا
يفرح القلب بطلة حبابنا
ننسى الماضي وياللي صابنا
بيكفي هالعمر جفا ومآسي
بكرا القمر جاية يزورنا
بحضنه ياخدنا ونوره يغمرنا
وقسوة هالدني وأيامها ما تعاندنا
ويبقى الفرح للقلب دوا وشافي
بكرا الطير ياللي مهاجر
نقله يرجع شو بعده ناطر
ولما انادي عليه بيناتنا حاضر
طال غيابه عنا والله كافي
بكرا. بقلمي محمود عجور
تعليقات
إرسال تعليق