أنا شاعر بقلم الكاتب والشاعر سعيد عباس الضو
أنا شاعر وما حيلتيش
غير شعري
عاملت الناس وحبوني
بكل الحب ودوني
ساعات يعني بيدوني
فوق قدري
وساعات ب يقلوا من سعري
ما بزعلشي وح أزعل ليه
ماهي أذواق وقول أرزاق
وزي مافيه في الهوي قسمه
أكيد فيها ألم وفراق
لكني للقلم عاشق
وللكلمه ب أحط زواق
وأحاول إني أأصلها وأفصلها
وأوصلها إلي العشاق
عروسه وقاعده في الكوشه
لا أنا سوسه ولا موسي وعكوشه
أنا واحد من الحرافيش
أكلت المش مع دوده
لبست الخيش
كلامي نبعه من راسي
وإحساسي ما يعرف طيش
أحب العيش ب حريه
أكلها ب فول وطعمية
وحب السلطه مش فيا
وأمر بجد مش مغري
تعليقات
إرسال تعليق